د هندوستان پښتانه – مالير کوټله

دا کتاب د يو ټبر داستان دې چې مشر يې د سلېمان له غرونو پنجاب ته کډه شوې و. په ۲۰۰۳ م کې د دې سيمې د پښتنو سره د ليدو په وخت خبر شووم چې ددوي نيم نه زيات خپلوان پاکستان ته تللي دي او زيات يې په لاهور کې مېشت دي. په ۲۰۰۸ م کې مې ځينې کسان په لاهور کې وموندل چې د خپل تاريخ په اړه لېواله و. “د هندوستان پښتانه” څېړنو د لړۍ دا دوېم کتاب په ۲۰۰۹ م کې د کابل د سالنگ کتاب خپروونکو له خوا چاپ شو.