د ذهن او بدن لپاره

د ذهن او بدن لپاره د چغندرو پنځه ارزښتناکې ګټې ⁨ چغندر د بدن او ذهن لپاره ډېر لارې لري. دا بدن ته ځواک ورکوي، وینې فشار ټیټوي، مغز سالم ساتي، خوله ښه کوي، ورزش په مثبت ډول اغېزوي. د نایټرېټ سبب د نایټریک اکسایډ جوړولو لپاره دی، چې سلامتۍ لپاره مهم دی. د چغندرو جوس، خام یا جوش کرلې شوي چغندر ستاسو د خوراکي منظمې لپاره اړین دي.پوهېږئ چغندر د نورو خوړو تر څنګ ستاسو د بدن او روغتیا ښه کولو لپاره یو له ښو خوړو کېدای شي. خو نوي شواهد د هغو نورې ګټې هم په ګوته کوي، او له همدې امله یې موږ باید په خپل منظم خوراکي رژیم کې شامل کړو. د بیټالین انټي اکسیډانټ ځواکد بیټالین په نوم طبیعي رنګونه چغندر ته ژور او قوي رنګ ورکوي او له همدې امله د انټي اکسیډانټ ښه خاصیت لري. څو کاله وړاندې په ايټاليا کې ترسره شوې يوې څېړنې ښوولې وه، چې چغندر د کولمو سرطاني حجرې له منځه وړي. خو بیټالین د هغه یوازینی جادويي ځواک نه دی. که څه هم د نایټرېټ ډېر لګښت ښه نه دی، خو کله چې موږ په سبزیو لکه چغندرو کې طبیعي نایټرېټ خورو، دا د روغتیا لپاره ګټور دي. په کافي اندازه نایټریک اکسایډ د جنسي پیاوړتیا لپاره هم اړین دی، او د روميانو او چغندر کارول دا تاییدوي. د زړه او وینې پر فشار د چغندر اغېزېدی زیاتوي، که دا کمښت همداسې دوام وکړي، د زړه حملې خطر لس سلنه کمولو لپاره کافي دی. طبي کارپوهان وايي، که ټول وګړي دا چاره ترسره کړي، د زړه حملې په څېر پېښو کې به د پام وړ کمښت راشي. څېړنو دا هم څرګنده کړې، د چغندر له خوړلو څو ساعته وروسته د وینې په فشار کې د دې اغېز له ورایه څرګندېږي.یوې څېړنې ښوولې، که موږ د ورزش ترڅنګ د چغندرو جوس وخورو، دا کولای شي د دماغ په هغه برخه کې اړیکې ډېرې کړي چې زموږ د بدن حرکتونه کنټرولوي. دا چاره کولای شي د مغز همدا برخه، د یوه ځوان او بالغ انسان په څېر کړي. په بله وینا د چغندرو جوس ستاسو دماغ ځوان ساتلو کې مرسته کوي. او دا ښايي د وینې فشار د ښه والي له امله وي. د څېړنې له مخې، د چغندرو جوس څښل د پریفرنټ کورټیکس (د دماغ ترټولو پرمختللې سیمه) ته د وینې جریان ډېروي، چې ذهني وړتیا لوړوي.څېړنې ښیي، لس ورځې، په ورځ کې دوه ځله د چغندرو جوس څښل په خوله کې د بکتریا توازن ښه کوي. څېړونکو په حیرانتیا سره، د څېړنو په بهیر کې د بکتریا په توازن کې بدلون لیدلی دی. دا د هغو بکتریايي ناروغیو چې د خولې خوړېندو او سوزش لامل کېږي په کمولو کې مرسته کوي. د وجود فزیکي حالت ښه کوي انډي جونز وايي، "ښايي د نایټریک اکسایډ اغېز دا وي چې عضلات ډېر اکسیجن ترلاسه کړي او ستاسو بدن ښه کار وکړي." په ۲۰۰۹ کال کې یوې څېړنې وموندله، هغه ورزشکاران چې د چغندرو جوس څښي کولای شي د تمرین پرمهال د دوی برداشت ۱۶ سلنه ډېر کړي.نایټریک اکسایډ د تمرین پر مهال د اکسیجن مصرف کمولو کې هم مرسته کوي، څېړنې دا هم ښوولې چې د ستړیا کچه کموي. په ۲۰۱۲ کال کې یوې څېړنې وموندله، هغه خلک چې چغندر یې خوړلي وو، د پنځو زرو مترو په واټن کې د هغو کسانو پرتله چې چغندر یې نه وو خوړلي، پنځه سلنه ګړندي و. اوس که موخه د سپورتي فعالیتونو ښه ترسره کول وي، د داسې لوبې له پیله څومره وخت مخکې باید چغندر وخوړل شي؟څه باید وشي ترڅو ډاډ ترلاسه شي چې د چغندرو ګټور مواد له منځه نه ځي؟که غواړئ چې له چغندرو ډېرې روغتیايي ګټې تر لاسه کړئ، غوره ده، چې خام یا جوش کړي یې وخورئ یا یې هم جوس وڅښئ.