درس ته کشینم خو هیس تمرکز نشم کولی.

مطالعې کوم خو تمرکز نه شم کولی! ایا کله داسې شوي چې کتاب خلاص کړی، خو ذهن مو بل ځای وي؟ یوه پاڼه څو ځله ولولئ، خو بیا هم نه پوهېږئ چې څه مو ولوستل؟ یا د مطالعې لپاره ساعتونه ځانګړي کړئ، خو په پای کې احساس وکړئ چې ډېر څه مو نه دي زده کړي؟که داسې وي،نو اوله خبره تاسو یوازې دا مشکل نه لری.د تمرکز ستونزه د ډېرو زده‌کوونکو اوحتا د ډیرو مسلکي کسانو یوه عامه ستونزه ده.خو ښه خبر دا دی چې په ډېرو مواردو کې تمرکز یو مهارت دی، او د تمرین له لارې ښه کېدای شي.ولې تمرکز له منځه ځي؟ • د موبایل او ټولنیزو رسنیو دوامداره کارول • د خوب کمښت • ډېر ذهني فشار او اندېښنې • د مطالعې نامناسب چاپېریال • د اوږدې مودې لپاره پرته له وقفې مطالعه • د یوې موضوع د سختوالي له امله ذهني ستړیاد تمرکز د ښه کولو غوره لارېاول: ۱. د ۲۵ دقیقو قانون وکاروئ ځان ته ووایاست: "یوازې ۲۵ دقیقې مطالعه کوم." په دې موده کې: • موبایل لیرې کېږدئ • ټول خبرتیاوې بندې کړئ • یوازې په یوه کار تمرکز وکړئ وروسته ۵ دقیقې استراحت وکړئ. دا طریقه د اوږدو او ستړو مطالعوي ناستو په پرتله ډېره اغېزمنه ده.دوهم ۲. د پیل قانون کله کله ستونزه مطالعه نه وي، بلکې د پیل کولو وي. ځان ته مه وایاست: "نن باید درې ساعته مطالعه وکړم." پر ځای یې ووایاست: "یوازې پنځه دقیقې به مطالعه وکړم." ډېر وخت همدا پنځه دقیقې وروسته په دېرشو دقیقو او آن تر یوه ساعت بدلېږي. اکثره وخت پیل کول تر ټولو سخته برخه وي.دریم ۳. یو وخت، یو کار کله چې مطالعه کوئ: • موبایل مه ګورئ • پیغامونو ته مه ځواب ورکوئ • یوټیوب او ټولنیزې رسنۍ مه خلاصوئ ذهن د څو کارونو لپاره نه دی جوړ شوی. هر ځل چې پام مو واوړي، دماغ وخت ته اړتیا لري چې بېرته تمرکز پیدا کړي.څلورم ۴. فعاله مطالعه وکړئ یوازې لوستل تمرکز نه ساتي. له ځانه وپوښتئ: • ما څه زده کړل؟ • دا موضوع څنګه کار کوي؟ • که بل چاته یې تشریح کړم، څه به ووایم؟ کله چې ذهن فعال وي، تمرکز هم زیات وي.پنځم ۵. د مطالعې چاپېریال ساده او پاک کړئ هڅه وکړئ: • میز مو منظم وي • غیر ضروري شیان لرې کړئ • ارام ځای انتخاب کړئ • د مطالعې لپاره ځانګړی ځای ولرئ چاپېریال زموږ پر تمرکز ډېر اغېز لري.شپږم ۶. کافي خوب وکړئ ځینې خلک د تمرکز لپاره نوې طریقې لټوي، خو اصلي ستونزه یې د خوب کمښت وي. که دماغ استراحت ونه کړي، تمرکز کول به هم سخت وي.اوم ۷. د تمرکز لپاره ساده چوکاټ هر ځل د مطالعې پر مهال له ځانه دا درې پوښتنې وکړئ: • اوس څه زده کوم؟ • ولې یې زده کوم؟ • په راتلونکو ۳۰ دقیقو کې کوم هدف لرم؟ کله چې هدف روښانه وي، تمرکز هم ښه وي.هغه تېروتنې چې تمرکز خرابوي • د مطالعې پر مهال د موبایل کتنه • څو ساعته مطالعه پرته له وقفې • په یو وخت کې څو موضوعات لوستل • د بشپړتیا هڅه کول • د ځان پرتله کول له نورو سرهیو مهم یادښت که د تمرکز ستونزه مو د اوږدې مودې لپاره دوام لری، یا ستاسو په زده کړه، کار، ورځني ژوند، خوب، احساساتو او اړیکو جدي اغېز کوي، نو د روغتیا له مسلکي متخصص، ډاکټر یا ارواپوه سره مشوره کول ښه نظر دی.ستاسو په نظر د تمرکز تر ټولو لوی دښمن څه دی؟ موبایل، ټولنیزې رسنۍ، ستړیا، اندېښنې، که بل څه؟