د لیلا او مجنون په اړه

د ليلې او مجنون قصه خيال که حقیقت او د داسې کړنو حکم څه دی؟ ځواب بسم الله الرحمن الرحيم د ليلا او مجنون په اړه د تاريخ ليکونکو مختلف اقوال دي چې آيا د ليلا او مجنون قصه حقیقت دی که خیال. ځينې مأرخين وايي: د مجنون اصلي نوم قيس بن ملوح او لقب يې مجنون و، د سعودي د اهل نجد څخه و، د مروان بن حکم او ملک بن مروان د خلافت په دوره کې يې ژوند کولو، هغه مجنون او لیونی نه و بلكې د ليلى العامرية سره يې ډيره مينه وه او د هغه د مينې مجنون و. په هر صورت که دا قصه حقیقت دی او که خیال خو د قصې مقصد دا دی چې هغوی دواړه واده شوي نه وو او يو د بله سره يې مينه کوله. اوس به راشو دې مطلب ته چې آيا دا ډول قصې او دا ډول مينه کول د اسلام له نظره څه حکم لري؟ محبت په مشروع او نا مشروع تقسيم شوى دى. ۱ - د الله تعالى او د هغه د رسول صلى الله عليه وسلم سره محبت واجب بلکې دا محبت د ايمان شرط دی. قال الله تعالى : (وَالَّذِينَ آمَنُوا أَشَدُّ حُبًّا لِلَّهِ) [البقرة 165] ژباړه او هغه کسان چې پر الله ﷻ ايمان لري د دوی مینه د الله سره ډیره زیاته ده.همدارنګه رَسُولُ اللهِ صَلَّى الله عَلَيْهِ وَسَلَّمَ فرمايي : (لا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَلَدِهِ وَوَالِدِهِ وَالنَّاسِ أَجْمَعِينَ ) . (المسلم ۴۴). ژباړه ستاسو نه څوک تر هغه پورې د کامل ایمان څښتن نشي کیدای څو پورې زه ورته له خپل پلار، اولاد او ټولو خلکو محبوب نشم.۲ - د مؤمنانو، علماؤ او صالحانو سره د الله تعالى د رضا لپاره محبت كول لوى اجر لري او د اهل کفر، شرک او اهل معاصي سره د الله تعالى په خاطر بغض كول. د قیامت په ورځ به اووه کسه د عرش تر سیوري لاندې وي د هغې ډلې به يو هغه کس وي چې :« و رَجُلان تَحَابًا في اللهِ اجْتَمَعَا عَلى ذلِكَ وَتَفَرَّقَا عَلَيْهِ» (البخاري ). يعني : هغه دوه کسان چې د الله تعالی د رضا لپاره خپل منځ کې محبت وي، هم په دغې دهغوى یوځای کيدل وي او هم په دغې د دوى جدايي وي. او فرمايي: « أفضل الأعمال الحب في الله والبغض في الله» (راوي : ابوذر غفاري - ابوداؤد (4599). يعني : بهترین عمل دوستي د پاره د الله پاک او دوښمني د پاره د الله پاک ده.۳- د خپلې ښځې، اولاد، والدينو او خپلوانو سره محبت كول فطري محبت دی، جايز او مستحب محبت دی، همدارنګه د سفر د ملګري، ګاونډي، د معاملې د شریک سره محبت كول مباح دي. همدارنګه د نکاح د انتخاب لپاره د یو چا سره د هغه د دیندارۍ په وجه داسې مينه چې هيڅ غير شرعي تعلقات پکې نه وي باک نلري.د مسلمانو خویندو احکام 👇 ریس خادیم